ბრიტანელმა არქიტექტორმა – Peter Thomas de Cruz–მა შექმნა პროექტი – La Zagaleta House, რომელიც ესპანეთის სამხრეთით მდებარეობს.

უზარმაზარი ნაგებობა, რომელიც ფერდობზეა შეფენილი, არაჩვეულებრივად მომხიბვლელ ლანდშაფტურ გარემოცვაშია. დიდი ფანჯრები, შუშის სრიალა კარებები, ღია და ნახევრად დახურული ტერასები შესანიშნავი პირობაა იმისა, რომ დატკბეთ მთების დიდებული სილუეტებით.

ნაგებობა აღჭურვილია 2 (შიდა და გარე) ორიგინალური ფორმის საცურაო აუზით, რომლებიც მომაჯადოებლად გამოიყურება აუზშივე არსებული სპეციალური განათებების ფონზე.

სახლი ყოვლმხრივ კეთილმოწყობილია, იგი მზის სისტემის ენერგიით მარაგდება, რაც გათბობას, ცხელ წყალსა და ვენტილირებასაც უზრუნველყოფს. ლამაზი ინტერიერი და ექსტერიერი, კომფორტი და სიმყუდროვე, აი, რა სუფევს ირგვლივ. თვალი გადაავლეთ და თავადაც შეაფასეთ!