Massimo Mariani Architects–ის შემოქმედებითმა კოლექტივმა დაასრულა საკუთარი პროექტი – House in Empoli, რომელიც რეზიდენტალურ შენობას წარმოადგენს და იტალიის ქალაქ – Empoli–შია განთავსებული.

ნაგებობა მდებარეობს Navicelli–ს ქუჩაზე, Empoli–ს ისტორიულ ცენტრსა და მდინარე – Arno–ს შორის. პროექტი წარმოადგენს 60–ან წლებში აგებულ რეზიდენტალურ შენობას, რომელმაც სახეცვლა განიცადა, რაც ფასადიდან დაწყებული, შიდა სამუშაოებსა და რაღა თქმა უნდა ინტერიერსა და ექსტერიერსაც მოიცავს.

შენობა მიწის ზემოთ 3 დონიანია, რომლის ქვედა დონეზე ოფისებია განთავსებული, რომელთაც დამოუკიდებელი შესასვლელები და ავტოფარეხები აქვთ. ზედა სართულებს როგორც კიბე, ასევე ლიფტი აკავშირებს ერთიმეორესთან. იქ განლაგებულია თავ–თავიანთი: მისაღები, სასტუმრო, სასადილო, საძინებელი, სამზარეულო, სააბაზანო ოთახები და ასევე მშვენიერი პატიოები, სადაც ჰიდრომასაჟითაც შეგიძლიათ ისიამოვნოთ. თვალი გადაავლეთ და ისიამოვნეთ!